Mi That thu ah Indian Olympic Wrestler kaih tuar

India rampi` i suanvawr zetmi Olympian wrestler Sushil Kumar cu ramsung wrestling champion rak si dahtu Sagar Dhankhar thih thu ah Delhi palik in an kai.

Kum 37 mi Sushil Kumar cu Sagar Dhankhar thawi that a si hnu May 4 in palik in an hawl thok ih hmun dangdang ah a relh kual vivo hnu May 23 zingah Delhi, Mundka metro station kiangah an kai ngah.

Amah hi 2012 London Olympics le Beijing Olympics ah rampi aiawhtu dinhmun in buanzuamawknak ah laksawng ropi rak dong dahtu a si ih Commonwealth Games khalah buanzuamnak in laksawng rak ngah dahtu a si hlei ah Moscow ih tuahmi 2010 world wrestling Champion khal a si.

Leitlunhuap lehpan khawvel ih India ram hmin ṭha tertu tiih rak suanvawr zetmi a si nan tuṭum thubuai hin a sinak a ti niam hlei ah leitlunhuap mipi hmai ah kan sinak a ti niam ter ti`n The Wrestling Federation of India ih ṭuanvonei mipakhat in TOI hnen ah a sim.

Sushil Kumar le Sagar Dhankhar karlak thubuai

Delhi palik kut ih a thlen hnu ah Sushil Kumar cun hitin a sim.

“Delhi, Model Town ih ka inn ka luah ter ih gangster hminthang Kala Jathedi ih bodyguard Sonu Mahal thawn an um tlang. Cumi thu ah kan karlak ah hmuawthiamlonak a um ih inn ihsin ka dawi hai. Cutin kan buai thokmi a si” a ti.

May 4 ah Delhi, Chhatrasal Stadium ih training an nei hnu ah an sualaw ih Sagar Dhankhar cu a thi. Arual le pahnih cu sizung an thleng ih an buainak thuhla cipciar an relsuak hnu ah mithattu dinhmun in Sushil Kumar cu an hawl thok cih.

Mithitu Sagar Dhankhar hi palikbawi fapa a siih gangster thawn pehtlaihawknak neitu khal a si. Mithat puhtuar Sushil Kumar khal gangster thawn pehtlaihawknak an nei thotho.

May 4 ih an sualaw ṭum ah gangster pakhat kut a thlak cih ruangah palik kaih ṭih ah le gangster pawl ṭih ah hmun dangdang ah a relh kual vivo mi a si.

Cumicu palik hnen ih a sim sal hnu ih pholangmi a si ih thawnginn ah gangster pawl ih that tuar ding a phang zet tiah a lawyer pa cun palik hnen ah a sim.

Sagar Dhankhar thih thu thawn pehpar in “ka that hrimmi a si lo. Mi i ziangsiarlo ding ka phang ruangah nunsimphungpha in kut ka thlak mi si. Kan sualaw lai video ka zuk ter nak san khal cu kan rualpi le kei mah thawn pehparmi zate hnen ah ziangvek minung ka si timi langter duh ah video ka zuk hrimmi a si” tiah Sushil Kumar cun a ti.

Sagar Dhankhar a thi thu thuthang a suak veten Sushil kai dingin Delhi special police team pakhat an din ih an hawl thok cih.

A inn khal an siim nan a rak um lo ih an hawl hmu theilo ruangah palik in a luman ah rs 100,000 an kheng. Cuhnu lawngih kaihngahmi a siih Delhi palik ṭuanvonei mipakhat cun “Paisa hman ding a nei nawn lo ruangah Panjab lam ih tlan dingin Delhi ah a ra. Curuangah kan kai thei mi a si” a ti. Nan, sunglam thu theitu miṭhenkhat cun a rualpi pawl in an zuar mi a si an ti.

Tudinhmun ah tualthattu dinhmun in Delhi palik kut ah a um ih a thuhla zingzoinak an nei vivo tum a si.

An kai lai video …..

Leave a Reply

Your email address will not be published. Required fields are marked *