Mexico : Metro khuasung Tlangleng ziin ciim in Minung 20 nen that

May 3 zaan ih Mexico Line 12 metro tlangleng ziin ciim ah mithi 20 an um ih hliamhma tuar 70 lenglo an um tiah khuasung emergency service in official in an phuang.

Mexico khuasung laili ih thil thleng a si ih tlangleng ziin ciim lai CCTV ih zuk ngah mi cu online ah a darh.

Zaansiim hnu ih thil thleng a si nan khuasung laili a si tikah mawṭaw vak sukso an tam zet lai ih Ziin a ciim lai CCTV ih zuk ngahmi khalah mawṭaw sukso tamzet um in a lang.

“Metro Line 12 ziin hi 2017 kum Linghnin ṭum ah Khing/Kak in a um ih Siipin lam in an remṭha zo. Nan, tu ah, hitin a ciim lala cu ziangruangah sipei” tiah El Universal newspaper in a ngan ih thilumdan zingzoi in hotu pawl an cangvai rero tiah an tarlang.

Tuhrih tiangah mithi 20 an um thu nemhnget a si zo ih hliamhma tuar dang le mithi ruak hmu hrih lomi khal a um thei tiah Mexico ramsung thuthang in an phuang.

Mexico Metro Line 12 cu khuasung tlangleng ziin tuah netabikmi a si ih kum 2012 ah official in an ong.

Leave a Reply

Your email address will not be published. Required fields are marked *