Mexico Lamziinpi ah Vanzam a kaang, Zoi` vanzam a si tikhal an theilo

Riittheihsii phurtu siding zum ummi vanzam kaang cu Mexico lamziinpi ah an hmu a si. Yucatan Peninsula lamziin laaifang ah kaang rero cia in an hmu mi a si.

vanzaam cu lamziinpi ah a kaang cia in an hmu

South America lam ihsin zuang mi a siih daanlo in Mexico airspace ah a lut hlei ah riittheihsii a phur ding khal an zum a si.

A kaang rero laimi vanzam kiang khalah cocaine siding zumummi phurtu truck motor pakhat an hmu. Cocaine siding zumummi cu fuunkhat ah 30kg hrawng a rit ih vanzam ihsin laaksuakmi siding an zum thu Mexico ralkap official in a phuang a si.

Mexico defence ministry hnaṭuan pakhat cun, “kan ramsung ah duhduh ih vanzam feh sianglo nakhmun airspace ah a rak zaam ih kan vanzam pahnih kan dawiter.”

“An dawimi vanzam ṭumnak an va thleng ahcun vanzam cu a rak kaang rero zo. Cule, a kiang ah truck motor a um ih a sung ah vanzam ihsin laksuakmi siding awmang, thil funmi khal a um. Riitheih thilri ding a bang.” tiin a sim.

Ahmun an va thleng ah zo hman an rak um nawnlo. Kaaingah mi khal an um loih vanzam siat in a tlak ruang ah a kaang mi maw, an ur hrim mi a si tikhal an thei cianglo.

Leave a Reply

Your email address will not be published. Required fields are marked *