Megan Fox in a Pasal le Fa 3 Tanta in PaThlawi MGK a Dawi

Megan Denise Fox (kum 34) cun a pasal Brian Austin Green (kum 46) le a fa 3 tantain pathlawi a dawi.

2004, Hope & Faith TV show ah an tongaw thokih kum 6 sung an thlunaw hnu, 2010 ah daan pangai in an nei aw.

An tongaw pek ah Megan Fox cu kum 18 lawng a siih Green cu kum 30 a kim zo. Kum tanawtuk ruangah le Fox a nauhak tuklai ruangah Green cun thlunawkding a ngam ciah lonan Megan Fox in nasa zetin a lem ruangih thlunawthok an si.

June 24, 2010 ah mimalte sawmin kutsihnak an neiih innsang an din thok. Asinan, Megan Fox in innsangnu si, har a ti ruangah le awkkaitu umlo mahteum thlang sawn in August 21, 2015 ah an pa a ṭhen lawk nan kum 2016 thok ah komaw salin fa 3nak an nei.

Lemcang khawvel thlirtu pawl in an sungkauten innsangnuam an din tiin an lungawipi rero laiah April 25, 2019 ah Megan Fox in a pasal ṭhennakding a tawlrel lala. Cuih hnuin rapper Machine Gun Kelly (hminngai – Richard Colson Baker) thawn anthlunaw ṭan ih May 2020 ah a pasal thawn an ṭhenawfel thu a phuang.

Apasal hlun Brian Austin Green cun “2019 kum tawp lam ah zuknung cang dingin zarh 5 sung khual a tlawng, cuih hnu in kan thinlung a hlataw vivo.” tiin a sim.

Megan Fox khalin “hmun hla ih zuknung lak dingin ka feh ṭum ihsin keimahten ka um le ka thinlung a zang ti ka hmusuak. a nuam ka ti. Ka pasal ka hua cuanglo. Nan, ka thinlung i nuam a timi hi ka thlun ta hrih ding” tiin a sim ve.

Innsang nu tling a si zia, a fa le a ngaihtuah zia le tuni tiang a duh lai zia pawl khal Green in a sim ih, “Ziang tik lai khalah ka duh ringring. Innsang mawi, a special cuangmi innsang i dinpitu a siih a mah khalin i duh ringring ding ti ka thei. kan hlataw nan kan fa le ka duhdawtnak le kan zoh kan enkoldan cu a danglam dahlo ding” tiin a sim.

Megan Fox le tu ih a tlangval thar Machine Gun Kelly cu Midnight in the Switchgrass timi zuknung cangnakah an tongaw ih cui ni in an thlunaw thok.

Green cun Megan Fox le Machine Gun Kelly karlak ah ziang thu hman a um lo ih rualpiṭha men an si thu le a fan pawl in an pahnih khi misual, a nih hi miṭha hremtuartu/puahcawktuar vekih ruatlo ding in a fan pawl a ngen.

Green in rualpi ṭha men si vekin a rel nan tulai fang ih Megan Fox le Machine Gun Kelly zuk zoh a si le nupa laate vekin an kut kaiaw in an vak ringring a si.

ref:HighLife,ThHO

Leave a Reply

Your email address will not be published. Required fields are marked *