Mee Mee Khe sunloih upat theihhngilhlonak tuah tum

October 16, Australia zaan nazi 9 luan ih nunnak cem Mee Mee Khe, sunloih upat theihhngilhlonak cu Australia ram Sydney ah tuah an tum thu theih a si ih Mee Mee Khe Facebook page ah live in thlah a si ding.

October 24, Sydney zaan nazi 9 (Myanmar zaanlam nazi 4:30) ah Brice kaihhruainak thawn tuahtum a si ih Mee Mee Khe hla lar pawl saksalnak khal a um ding tiah hla ngan thiam Sangpi in amai Facebook cahmai ah a tarlang.

Mee Mee Khe cu Myanmar ram guitar siangpahrang စောဘွဲ့မှူး ih fanu a siih Myanmar ram ih hlasak thiam hminthang a si.

Cancer natnak thawn caan reizet a damlo hnu ah a nat tuar nawn lo in October 16 zaan ah apasal hlun Htoo El Lynn thawn an nei mi fanu pakhat le tui` a pasal thawi` neih mi fate pahnih tansan in a nunnak a cem a si.

Mee Mee Khe sunloih upat theihhngilhlonak cu nazi 1 sung caan hman a si ding ih a ruak vui nak cu October 26 ah neih tum a si thu Sangpi in Facebook cahmai ah a tarlang a si.

Leave a Reply

Your email address will not be published. Required fields are marked *

error: hahahahahaha !!