Mauritius tikulh ah Ziinan phur Laawng a pop, state of environmental emergency darkhiing an tum

Africa nisuahnak lam ih um Mauritius tikulh tipikap ah Ziinan tons 4000 phurtu Japan Lawng a pop ih a sung Ziinan, tipi sungah a luangsuak ruangah “state of environmental emergency” ralrinnak tlangdar an tum.

Zukih kan hmu vekin Ziinan bungmi cun tidai dum terin, a tibal ruangah rannung le a kiangkap ih um minung hrangah ṭih a nung a si ti`n Cozah lam in thuthannak an nei a si.

Japan Lawngpi cu July thlacem hrawng ah hih tipikap ah a cawl mi a siih Lawng a pop nak khal ni 2-3 a rei zo tiah CBS cun a tarlang.

Lawng pop mi cu phit danding an tawlrel nan nikhua sia ruangah duh vekin an cangvai thei lo ih, an ram prime minister Pravind Jugnauth cun, “hivek siatton lam ih thiamsang kan ram in kan nei lo. France ram president Emmanuel Macron hnen ah bomnak kan dil nan nikhua sia ruangah an cangvai theilo” a ti.

Mauritius tikulh cu leitlun tipikap mawi an timi ram pawl lakih telve a siih Tourist pawl in a pal bik nak san khal hih tipi ruangah a si. Tu ah, hivekin an tidai a bal thluh ruangah an ram hrangah tlaksiatnak tum zet pakhat a si ti`n CBS cun a tarlang.

Lawng pop cu a pil vivo ih a sungih Ziinan khal a put rero ruangah zamrang thei bikih thianfai thei dingin cangvaihnak an nei rero a si.

Leave a Reply

Your email address will not be published. Required fields are marked *