Mars le Jupiter karlak ah Lungmankhung Maktara hmuh suah a si

Boruak le Van par ih arsi pawl thlirtu NASA in kan umnak Leilungpi thawn peng 230 million hlat nak, Mars le Jupiter karlak ah Lungmankhung maktara an hmusuak thu, October 26 ih suah mi Planetary Science Journal ah an tarlang.

Lungmankhung (asteroid) cu NASA’s Hubble Space Telescope ih hmuhsuah mi a siih ’16 Psyche’ tiah hmin an bun.

16 Psyche ih danglamnak cu boruak par ih asteroid dang pawl vek in metal malte tel mi Vur khaal le Lungtum vek men a si lo ih metal deuh thaw hlir a simi peng 140 tum asteroid a si ti`n Planetary Science Journal ah an ngan.

Adanglam tuk ruangah ‘protoplanet’ tiih koh mi Leilung muril laifang, Leilungpi kaisawm biktu planet core hlun si ding an zum.

$10,000 quadrillion ($10,000,000,000,000,000,000) hrawng man ding ih ruah mi a siih Leitlun economy ($149 trillion) hnak in let thawngteel in a man a tam sawn.

NASA in 2017 kum hrawng in an rak cuan thok zo ih a kiang nai zet ih zoh ciang thei dingin hmalaknak an nei.

Psyche mission hrang ah 2022 kum ah SpaceX Falcon rocket thlahsuak an tum ih tlungten a feh suak thei a si le Kum 2026 ah asteroid umnak hmun ih thleng thei an beisei a si.

ref:Unilad,IT

Leave a Reply

Your email address will not be published. Required fields are marked *

error: hahahahahaha !!