Lunglei ih ram meikaang cu khuasung tiang a kaat – LIVE

April 24, Mizoram, Lunglei ih rammei kang cu meithat le khumi pawl in mizaan lam in catbang loin mei an phal nan neh thei loin April 25 ah khuasung tiang a kah ban thlang.

Ṭhalpi ah ram mei a kang ṭheu nan tuṭum kangmei cu a cak tukih veng dang ram pawl ah kaat in a hlio deuhdeuh.

Vengtinkim ih tlawmngai mino, pacang le meithat umsun in mizaan lam in sunvu zaanvar an phal nan an neh theilo ih tuini ahcun khuasung inn ṭhenkhat khal a kang ban thok.

Mei kang thok dan hi an thei ciang loih Mizoram cozah in fumfe zetin zingzoinak a nei ding thu offcial in thu a phuang.

Mei phaltu hi mizaan lam in nasaten an cangvai zo tikah, tu ah, an caurau zet. Mizoram le India media ṭhenkhat ih ngandanvek a si le hliamhma tuar khal an tam tiah theih a si ih tuhrihtiangah mithi cu an um hrih lo.

Kangmei cu a nasatuk ruangah Assam Rifles, Lunglawn le 199 Bn BSF- te pawl khalin meiphal bawm dingin an ralkap pawl an thlah.

Mizoram Chief Minister Pu Zoramthanga khalin vanzam thawn mei phal bawm dingin India Air Force hnen ah bomnak a dil tiah theih a si.

Leave a Reply

Your email address will not be published. Required fields are marked *