Live ih thuphuang rero CNN ih hnaṭuan cu palik in an kai (+ Video footage)

Minneapolis, mipi duhphorh neihnak hmun ih Live in thuthang phuang rero CNN hnaṭuan Omar Jimenez le video zuk rerotu a hnaṭuanpi pawl cu palik pawl in an kai thluh.

May 25, palik kut sung ih thi George Floyd thuthawn pehpar in duhphorhnak nei mipi le palik karlak buainak suaknak hmun ih thuthang an phuang lai ih kaihtuar an si ih CNN news reporter Omar Jimenez cu palik pawl in a kut an khih ih an hruai.

An kaih lai khal cu Live in zuk rero a siih Omar Jimenez cun “ziang ruangah saw in kai. Kan pali in thuthang phuang kan siih team khat kan si. Dung ah sip uh in ti a si le kan sip mei ding nan duhnak hmun ah kan ṭhawn mei ding a ti nan palik pawl cun ziangsiar loin an hruai thotho ih camera thawn video lak rero tu khal an kai cih. Cutiih an kai lai pawl khal cu lei par ih an tantami Camera cun live in a rak record rero.

CNN cun an milai pawl an kaih thu cu twitter ah a post ih daan pahbalmi ziang hman a um lo ruangah thlah lohli dingin dilnak ca khal a ngan tel cih.

Cuhnu ah State Governor Tim Walz in thlah lohli dingin thu a suah ih CNN president Jeff Zucker hnen khal ah ngaidam a dil.

An buainak hmun ah CNN ih hnaṭuan Josh Campell (mirang) khal a um ve nan a nih cu an kai lo. Campbell cun “palik pawl ih kaih mi ka hnaṭuanpi Omar Jimenez cu latino midum a si ruangah palik pawl ih hmuh daan a dang” tin` a sim.

Leave a Reply

Your email address will not be published. Required fields are marked *