Linkin Park – Pu Trump in kan Hla hmang nawn hlah seh

Leitlun hlasak hminthang Linkin Park cun Pu Trump campaign in an hla a hman sak mi an duhlo thu le aralai dingmi tiikcuucaan khalah an hla hmangsak nawnlo dingin Twitter cahmai ah ca a tar.

US rampi hrilawknak hrangah mipi hiip dingin Trump milai pawl ih tuah mi video background ah Linkin Park hla an hman ruangah hla neitu in hmang nawnlo dingin hmalaknak a nei mi a si.

2002 kum ih suahmi Linkin Park hla “In The End” timi cu tukum election hrang, mipi hiipnak video thehlarnak background music ah an hmang ih White House social media director Dan Scavino in Twitter ah a thlah veten Twitter ṭuanvo neitu pawl in Digital Millennium Copyright Act vekin hla neitu siannak tello ruangah le hla neitu in hmaan a sianglo ruangah kan hlon a si tiin ca an tar.

Pu Trump campaign in Linkin Park hla an hmang ti an theih veten Linkin Park neimi management company Machine Shop Entertainment in Twitter hnen ah hlonsak lohli dingin ca an kuat ih “Hla copyright neitu complaint vekin hmalaaknak kan nei” tiin Twitter cahmai ah ca an tar.

Tuhlan khalah Pu Trump campaign in hlasakthiam Pharrell Williams, Neil young, Tom Petty pawl ih hla cu mipi hiip dingin an rak hmangsak dahih hla neitu pawl in an singlo thu le neta khalah hmang nawnlo dingin ca an kuat dah a si.

ref:Twitter

Leave a Reply

Your email address will not be published. Required fields are marked *