Leitlun ram tamsawn in Russia an bur lai ah Brazil President cu Russia lam ah a ṭang

Brazil President Jair Bolsonaro cun Ukraine president ziang siar loin a ṭong san hlei ah Russia cozah hremnak pe lo dingin thu thluk nak a tuah.

Vacation a nei nak hmun in online meeting ah rel mi a si ih “Ukraine rampi cun thih le hloh dinhmun cu an hruaitu comedian kut ah an ret mei” a ti.

Brazil President cun Actor/comedian sinak thawn pumcawmnak rak tuah dah tu Ukraine President Volodymyr Zelensky cu ziang siar loin a ṭong san ih, Russia a hrem tum lo nak san a rel.

“Brazil rampi cu lothlawh sumhnam zuat nak ah Russia ramsuak “Dawm” kan ring. Pursumlam hremnak kan tuah cun kan ram hrangah siatnak a suak thei. Curuangah mah le mah hremawk ah kan cang ding” a ti.

Russia ralkap pawl in Ukraine an luhcilh thu an sut tikah “Luhansk le Donetsk hrang zalennak an phuang mi cu a dik mi si ko” ti`n Russia lam a ṭan.

Brazil President Jair Bolsonaro cun Russia mithmai pekin thu a rel nan Ukraine thubuai rel dingih United Nations Security Council vote an thlak ahcun thapetu lam ah a ṭang ve.

Jair Bolsonaro cu February 16 ah Moscow ah tlawngin Russia President Vladimir Putin thawn hmaton thureltlangnak an nei.

Leave a Reply

Your email address will not be published. Required fields are marked *