Leitlun mihminthang Hlasakthiam Dua Lipa in Myanmar thubuai a ngeihven

Grammy sunloihnak tivek tiang rak dong ban tu Leitlun mihminthang hlasakthiam Dua Lipa in zarh tin suak “Service 95” magazine (weekly lifestyle newsletter) ah atufang Myanmar dinhmun nganmi cahram a tel thu a rel ih, siar cio dingin a fan pawl forhfialnak a nei.

“Tu zarh suak ‘Service 95’ magazine ah Myanmar thubuai thuk zetin ngan tel a si ih, mi mit vangter theitu thuhlapi a si.”

“Kan suah veten cahram na hnen thlen` na duh le atu ah subscribe na tuah ṭul ih na inbox ah kan lo kuat ding” ti`n Dua Lipa cun a fan pawl a theihter.

Service95 Weekly Magazine cu hlasakthiam Dua Lipa in kum 2021 ah a dinmi a si ih, Issue 025 ih telhmi Kawlram thu cu မမီမီအေး nganmi a si. A ra lai dingmi zarhpi ni ah tlangzarh a si ding.

Leitlun remdaihnak hrang hminthannak hmangṭangkai zettu Dua Lipa cun Instagram ah 85.4 million dungthluntu a nei ih, amah hi kum 26 telawng a si lai.

Tuṭum, Service95 Weekly Magazine, Issue 025 ih Myanmar thubuai a telh mi thu ah Asia ram ih a fan pawl fak a hlawh hlei ce.

Magazine theh lar duh ah Kawlram hmin a hmang phah khal a si thei nan, leitlun mihminthang pakhat in kan ram thubuai a rak theivemi hman hin mi tampi thazaang a tlungter a si.

Leave a Reply

Your email address will not be published. Required fields are marked *