Leitlun huap minung 10 ah mi pakhat in Covid 19 nat nei – WHO

World Health Organization cun leitlun mipi zaṭek 10% hrawng in Covid 19 nat an nei ti`n tlawngkai nikhat ah thuphuangnak an nei ih “a ra lai ding tikcucaan ah hihnakin kan har lai ding” tiah an phuang.

Tu dinhmun ah Leitlun huap Covid 19 mina 35 million luan an um zo ih, WHO phuangvek a si le official confirm cases hnak ih let 20 tam Covid 19 nat nei an um tinak a si.

WHO ih ṭuanvonei pakhat a si mi Mike Ryan cun, “kan hmuh dan ahcun leitlun mipi zaṭek 10% in Covid 19 nat an nei.”

“Hmun, ram zir in nat umnak cu a dangaw nan a huap zawng in kan zoh a si le mizakip kan him lo. Nat a karh vivo ih siat lam kan pan vivo” ti`n WHO hotu thurelkhawmnak ah a sim ih “southeast Asia, Europe le eastern Mediterranean region lam ah a karh vivo” a ti.

Johns Hopkins University and Medicine data vek a si le tu dinhmun ih Covid 19 mina tambiknak ram cu US ram a siih a sangtu ah India le Brazil ram in an thlun.

October 6 zaanlam tiang, Leitlun huap Covid 19 confirm cases 35,527,480 a kim ih mithi 1,044,882 an um zo a si.

Leave a Reply

Your email address will not be published. Required fields are marked *