Leitlun Buaiter theiding khawpih Ṭihnung Virus thar hmusuak

China scientist pawl in Covid – 19 vek ih leitlun tibuai theitu siding zum ummi swine flu nathrik thar an hmusuak.

Vok par ih hmusuakmi nathrik a siih minung par khalah olsamten a kai thei ruangah ṭih a nung zet tiin an sim.

Nathrik cangvaihdan an zoh mi ah, tu rori ih nathrik karhzaithei dinhmun cu a si lo nan a ra lai dingmi tikcucaan ah, minung hrang ih ṭihnungmi a si ruangah ṭha tak ih zoh ciang in zirnak nei a ṭul thu khal an phuang a si.

Cuih nathrih cu G4 EA H1N1 tiin hmin pek a siih hmuhsuaktu lakih telve professor pakhat cun, “China vok that inn ih hnaṭuan pawl lak khalah a kaitu an um zo. a ṭhang cak zetih kan thaw thawtnak phit thei dinhmun a si.

Atuah, leitlunpi in Covid – 19 buaipi rero lai a si nan hih nathrik khal hi catbang loih zoh hliah ringring a ṭul a si” tiin a sim.

Leitlun buaipiding khawp ih Swine flu nathrih karhzai netabik cu 2009, Mexico ram ihsin ṭanthawkmi a siih minung thi khal an um nan Covid – 19 vek lawman in cu a besialo a si.

ref:Anon,CBSM