Lebanon: Beirut Tipikap ah Kaangmei Suak, Mipi thlaphang in an um – Video

Beirut: August thla thok ih Lebanon khuapi Beirut tipikap puakkuainak thinphan hman reh man hlan ah cuih hmun thotho ah Sept 10 Tlawngkai nili zinglam ah kaangmei a suak ih mipi thlaphang in an um.

Lebanon ralkap cun tires le datsi retnak in a suak thok ti`n official in an phuang nan local media pawl cun thilri retnak innpi ih welding an tuah nak in a kaang thok ti`n an phuang.

Beirut meithat pawl in kaangmei cu nasaten an phal tum ih ralkap pawl khalin vansang in helicopter thawn mei phal an tum ve.

A kang thok dan theihciang a si hrih lo ih kangmei suak pek ihsin video rak zuktu Imad Bazzi cun “a hlio sinsin ih kiangkap um hrangah thawthawt a har zet. Kaangmei ih suak mi Vutcaam pawl cu ruah bangin an sur” a ti.



Tutiang cu, hriamhma tuar le Mithi an um le umlo ti khal theih a si hrih lo ih thuthang um peh dan zirin kan sim thanaw leh saal ding.

ref:twitter

Leave a Reply

Your email address will not be published. Required fields are marked *