Lebanon, Beirut ih Puakkuainak cu Boom ciikhat Puah mi a si – Pu Trump
Lebanon khuapi Beirut tipikap innpi ih puakkuainak suak mi cu, minung ih tuah mi boom ciikhat puah mi a si ti`n Coronavirus thawn pehpar mi thusim nakah Pu Trump in a sim.
Olsam zetih puakkuai thei mi chemical (ammonium nitrate) retnak innpi ah kangmei suakin a puak mi a si tiah Lebanon Official in a rak phuang zo nan Pu Trump cun, “kan ram ralbawi general pawl thawn kan toangaw ih an nih khal in cutin an zum ve a bang,” a ti.
VIDEO: President Trump says US generals told him the powerful explosions that rocked Beirut appear to have been caused by a “bomb of some kind”.
Lebanon has not described the explosions as an attack but “a disaster in every sense of the word”https://t.co/sJSNFXnbVm pic.twitter.com/iEJd53WV94
— AFP news agency (@AFP) August 5, 2020
“Asile siatralnak suak ding duh hrimhrim ih cangvaihnak an nei mi maw a si ding” ti`n thusutnak ah “company pangai ih suah mi thilri puaikuai men cu a si lo. kan ralbawi pawl in an thei sawn ding” tiah Pu Trump in a let ih “aw si ee. Boom ciikhat puah hrim mi siding an zum, ka zum” a ti hnu ah US ram in a ṭul dan ih zir in bawm ding kan man ti khalin a sim.
Pu Trump ih sim mi thu thawn pehpar in media lam in US ralbawi zung ah thusutnak an nei nan letsaalnak zianghman a um lo.
My God. Lebanon economy collapsing and now this massive explosion. Beirut port (and a lot more, from the looks of it) utterly destroyed. Can’t imagine the human toll we are going to see. pic.twitter.com/vljWYftJWE
— ian bremmer (@ianbremmer) August 4, 2020
Hih puakkuainak cu August 4, Lebanon khuapi Beirut tipikap innpi ih ammonium nitrate retnak ah a suak mi a siih a thawmvang a ringtuk ruangah Peng 180 hlatnak hmun khalin an rak thei ih Israel ram le Cyprus lam khalin an thei ban ve.
Apuak thawm le leilung tlir dan cu 3.5 magnitude thacak linghnin thawn an bangaw ti`n Germany geosciences center in an tar lang.
Cozah kaih mi ammonium nitrate retnak cu safety umloin kum 6 sung rori an ret ih, cuvekin dawngdah zetin an ret ruangah a puak thok mi siin an sim ih voi 2 puak in a puakkuai. Puakkuainak in, Inn tamzet a siatsuah ih minung 100 luan nunnak a cemter hlei ah mipum 4000 luan hrimhma a put ter a si.
ref:AFP,Wiki
