Lawng ropi a pil cu riahsia zetin an Ṭah

Russia cozah suanvawr zetmi raldo Lawngpi “Moskva” cu Black sea tipithuanthum ah a kaang ih, April 13 ah a pil hlo.

“Moskva” Lawngropi cu hmin dangdang hmangin kum 1979 lam ihsin an rak hmang thok zomi a si ih, tuṭum, Russia in Ukraine ram a luhcilh khalah hmaihruaitu ah an hmangmi raldo lawngpi a si.

Russia hrang Lawng thupi a si bangin mipi in an ui zetih, cuih Lawng par ih hna rak ṭuan dahtu pawl tla cun April 15 ah riahsiatnak langterin Lawng colhnak tipikap Sevastopol headquarter ah thlahnak caan an hmang.

Miṭhenin pangpar an keng ih, Lawngpar ih hna rak ṭuan dahtu pawl cun Russia ralkap tacik pakhat a si mi St. George ribbon cu an ṭang ah an ben ih “Moskva” Lawngpi upatnak pekin caan tawkmawi aw-ann suah loin an um. Pangpar kengtu pawl cun mitthli tlak phahin lei parah pangpar an ret ta.

“Moskva” Lawngpi a siat dan thu ah thu phun 2 a suak. Russia cozah cun Lawng par ah mei a kaang ih Thli tha cak thawn a sawiaw ciamco ih a pil mi a si ti`n thu an suah.

Culaiah Ukraine cozah cun hmun hla ihsin kan kap siat ih Lawng captain telin mithi an um tiah thu an suah ve. Us intelligence agency khalin Ukraine kut ihsin a siat mi siding an zum deuh.

Ziangti zawngih a va siat khal asile Ukraine ramsung cangvaihnak hlawhtling zet vekih relawtu Putin hrangah zahthlakza thuhlapi pakhat a si.

Leave a Reply

Your email address will not be published. Required fields are marked *