Lamziin Kauh nakah Sui Kawp Lungto tamzet an hmu nan Laih an Kham Thok

သပိတ်ကျင်း Lamzin kauh nakih sui kawp lungto an hmu mi cu khuasung mi pawl in an hawlbet vivo ih minung an tam vivo ruangah Tlang khal a min pang thei ih vanduainak khal a thleng pang thei ruangah Lamziin ṭuah ṭuanvo neitu pawl in Lai kham in mipi an tlungter ṭheh a si.

ချောင်းကြီး khua uk U Pho San cun”mizaan ihsin kan kham thawk mi a si. Sui kawp lungto hawltu an tam vivo ruangah lei khal a min thei ih cuvek vanduainak thleng lo ding in kan kham a si. An lai pek ihsin upa ṭuanvo neitu pawl in an kil cia. Cu lo cun, duhhamnak ruangah kut thlakawnak tiang a thleng thei a si” a ti.

Himi sui kawp lungto pawl cu, August 15 ni ih Mandalay-Mookuk-Myitkyina lamziinpi an kauh nakih, leilung lai nakah an hmu thok mi a siih thuhla a suak veten kiangkap ih um khua mi pawl cu sui hawl dingin a rualraul in an pawk.

Sui kawp lungto pawl cu an thianfai hnu ah hlum 1 kyat 20000 man sui a suak thei tiah a laitu pawl cun an sim.

သပိတ်ကျင်း tlangkulh ah hivek, sui kawp lungto an hmu thei zetih a hawltu khua kiangkap mipi khal an hlawk thei zet tiah MyanmarNews cun a tarlang.

Leave a Reply

Your email address will not be published. Required fields are marked *