Lal cuhawnak ah Rohingya refugees pali an thi ih 20 lenglo in hliamhma tuar

October 6, Bangladesh: Leitlun refugees camp tumbik a si mi Cox’s Bazar District, Kutupalong refugees camp ih um Rohingya refugees bur hnih buainak ah minung 4 an thi ih 20 lenglo in hliamhma an tuar.

Hih hmun ih um refugees tamsawn cu 2017 kum Myanmar ramsung buai ṭum ih Rohingya raltlan pawl an siih minung an tam rualrual in buainak a tam sinsin.

Misual khal a burbur in an um ih ritsii zuarthup, hlawhhlang zuarawknak le thilfir suamawnak phunphun thawn buainak in a khat ih Lal cuhaw in misual a burbur in an buai ṭheu.

October 6 ih buainak khal cu Bangladesh palik in Rohingya refugees misual 9 an kai mi thu ah misual bur hnih mawh an puh aw ih meithal hrimhrei dangdang hmang in an buai naksatuk ruangah minung 4 an thi ih 20 langlo in hliamhma an tuar.

Cox’s Bazar district ih ṭuanvonei palik Md Rafiqul Islam (Administration) cun, “tuhlan ihsin hmunram uktu si duh ah misual a burbur in an buai ringring. Tuṭum Lombasia camp ih buainak khal ni tawkmawi a rei zo. Misual bur hnih kahawknak ah minung 4 an thi. An ruang kan va phorhsuak cu lubul khal an um” a ti.

Kan dung kum March thla ah security official in Rohingya refugees misual 7 an kap that ih tukum 2020 January thla khalah palik le misual kahawnak ah Rohingya refugees misual 4 an thi zo a si.

Hram:CNBC

Leave a Reply

Your email address will not be published. Required fields are marked *