Laak-Ek, Acid le Hramro tivek rawi ih Hmakphek Lem tuahtu Company an Mual Pho

India, Uttar Pradesh ramkulh ih Hmakphek Lem tuahtu factory pakhat cu December 14 ah UP palik in an luhcilh ih factory neitu an kai.

Tlanropi hminthang Taj Mahal umnak khua Agra ih hrambun an siih Hmakphek an suah mi ah Laak-Ek (Donkey), acid le hramro tvk an rawi ṭheu timi thuthang a suak ruangah Palik in an luhcilh ih factory neitu Anoop Varshney cu an kai.

“Thuthang kan dong nak cu a rei zo nan zingzoinak kan nei bet ih a ciang kan ti hnu ah ka luhcilh mi a si.”

“Cumi ah Laak-ek, acid, ei theih mi colour, Hramro tivek rawimi Hmakphekphut, masala, le rawlhmeh rawi ih hmanmi Hmakphek Cii 4 kan kai” tiah UP palik ṭuanvonei Meena in local media hnen ah a sim.

Hmakphek Lem suahtu factory cu UP Chief Minister Yogi Adityanath in kum 2002 ih a dinmi a siih, tu ah, Hmakphek Lem, rawl hmeh ih rawi dingmi Hmakphek cii dangdang sample 27 cu zohciangnak nei dingin an kuat zo.

Meena cun “Food Safety and Standards Act thawn thubuai tuah sak an si ih sample zohciangnak an nei hnu ah ziangvek hremnak pek a si ding ti a fing leh ding” a ti.

Leave a Reply

Your email address will not be published. Required fields are marked *