Kumkhat hnu lawngah a fapa ThatAw naksan a thei suak
India, Gujarat ih um Jabhav cun kan dung kum April 9 ih a fapa tidai sung ih a dawp that nak san cu thla 9 rei hnu lawng ah a thei suak .
A fapa itnak khaan a thianfai lai ah a thataw ding thu a ngan tami ca tawite cu bizu ih ret mi itphah khuh sung ah a hmusuak.
A woman in #Gujarat found her son’s #suicide note nearly one year after he passed away, revealing the reason of his suicide.https://t.co/nBKZJOJClx
— Mirror Now (@MirrorNow) January 13, 2021
Jabhav fapa Madhav cu 2020, Apirl 9 ah Narmada tipi sungah a dawt that. Nikhat hnu ah a ruang an phorhsuak ih palik lam in a dawp that nak san an zingzoi rero nan an theisuak theilo.
A nu khal ruat ngainak theiloin a um ih kan dung baite, a fapa itnak khaan a thianfai hnu, cangan tawi a hmusuak hnu lawng ah thuhla umdan a theisuak.
A fapa Madhav ih ngan ta mi ca cu April 8, 2020 ih ngan mi a si ih casung ahcun “kan nu thawn kan neiaw hlan ni malte hrawng ah zahmawh khoh theilo natnak (erectile dysfunction) ka nei” ti`n a ngan.
“Cumi ruangah ka nupi cun i hmuhsuam. Nupi diriam ter theilo pa, thazang neilo pa in ti. Cuhleiah a tlangvalpa thawn ka mithmuh rori ah an it tlang ih nupa sinak hmangin in tihrim.”
“Ka tuar natuk ih an pehzomawnak botcat dingin kan nu ka lem ringring nan a duh cuanglo. Cuhnu khalah in tihrim thotho. Curuangah ka thataw ding” ti`n a ngan pehzom.
Madhav thih hlan ih nganta mi catawi thu thawn pehpar in a nu Jabhav in “ka fapa thih thu cu palik hnen ah ka sim thei zo. Zingzoinak an nei dingmaw? ziangtin hmalaknak an nei ding timi cu kan theiciang hrih lo” a ti.
Hih thuthawn pehpar in hmuhdan a phunphun a suak ih mah pasal rori cuvekih tuahtu cu thawngtlak a phu titu khal an um. A nu in a phuah cawp mi khal si thei tiih rinnak neitu khal an um a si. (IG today)
