Kum khua Thawngtlak dingin Daan Tat nak Ṭhum sak

Tualthatnak ruangih Thih Daan tat tuar, Myanmar ram mi Win Zaw Htun le Zaw Lin cu Thailand siangpahrang zangfahnak thawngin Thih Daan tat nak ihsin kum khua thawngtlak ding ah Daan tat nak an ṭhum sak tiah Matichon website cun a tarlang.

Siangpahrang bawi peknak ni kim sunloihnak ah Thailand siangpahrang in a rampi sung ih thawngtlak tamzet zalennak a pek ih Daan tat nak khal a ṭhum sak hai. Cupawl lakah tualthatnak ruangih thih Daan pek tuar Win Zaw Htun le Zaw Lin an tel ih, that ding ih thuṭhen sakzo mi cu kum khua thawngtlak dingin a ṭhum sak a si.

Win Zaw Htun le Zaw Lin cu Myanmar ram mi an siih tourist hotspot an timi Thailand, Koh Tao tikulh, bar pakhat ih hna ṭuan an si.

2014 September thla ih Britist tourist Hannah Witheridge le a tlangval David Miller thattu tiih puh tuar an siih 2015 ah Thailand thuṭhenzung in that dingin Daan a tat mi a si.

MatichonOnline

Leave a Reply

Your email address will not be published. Required fields are marked *