Kum 82 Pitar in Vom ka thongpet a ti +VIDEO
Japan : Kita-Hiroshima khua ih um Rumiko Sasaki (kum 82) in hmuan a thlo lai ih hnaihnoktu Vom thawn an sualaw ih a thongpet thu, official news24ntv media hnen ah a sim.
July 16 ih thil thleng a siih, Rumiko Sasaki cun “kan pa thawn hmuan kan thianfai rero lai ah a siih, hrampi ka phawi rero lai, ka el a na deuh ih ka vun ding cu, ka hmai ah Vom tumzet pakhat a rak ding.”
【80代の女性 自宅裏庭でクマに襲われる】
被害者の女性「立ち上がってみたらクマがそこにいて。私の顔をめがけてバッと来て『キャーッ』っと言って私が吹っ飛ばして叩いたみたいな気がする」#北広島町 #広島 pic.twitter.com/syUewT3nmD
— 日テレNEWS / 日本テレビのニュース・速報 (@news24ntv) July 17, 2020
“Ka cangvai man hlan ah ka hmai bat in irak kheh. Kei khalin thinphang in ka au phah ih a hmai ah voi hnih-thum ka thong ve. Mitṭhepkaar rori ah, dunglam ah a pet cih rorin ka hmu. Cule a tlan hlo” tiah news24ntv media hnen ah a sim ih “Vom ih in kheuhnak ka hnar tla kan ṭhit” a ti.
Local hunting association simvek a si le tu kum sung lawng ah, hih khua mi pawl in an umnak kiangkap ih Vom vak lai voi 252 rori an hmu zo ruangah tlaangpar, hramlak vak ding a si khal le radio, cell phone lole hriamhrei pakhat tal keng dingin cozah lam in mipi hnen ah an than a si.
ref:JP Today
