Kum 30 rei zomi Cahram ruangah Boeing Communications Chief hnaṭuan in suak

Vanzam tuahtu “Boeing company” ih communications chief cu tuhlan kum 30 luanzo ih a ngan mi cahram (article) ruangah a hnaṭuan ihsin a bang a si.

US ram ih vun rong thleidannak le palik thuneihnak hmangsual pawl dodal in duhphorhnak an nei ṭan ihsin US ram company tamzet cun kan company tlaksiattertuding ṭongkam, cahram tivek kan ngan, hmangdah pang maw tiin file hlun pawl zohsalnak an nei.

Boeing khalin company data hlun pawl zohkirsalnak a neiih, cuih zohsalnak an neih mi ah communications chief Niel Golightly in “nunau cu raldonak ah tel ding an si lo” tiih, tuhlan kum 30 reizo ih cahram a ngan mi cu an hmusuak.

Cuih cahram thawn pehpar ih lungawilo an um ruangah company hminsiat/tlaksiat hnak cun kei mah ka cawl sawn ding tiin thuthluknak a nei hnu ah a hnaṭuannak Boeing company ihsin a bang thu a phuang a si.

Boeing Communications Chief Niel Golightly

Boeing communication chief Niel Golightly cun “ka mawh a si. ka rak ṭong mi ka ruat sal men hman ah ka ning a zak. Tuahcun ka ruahnak khal ka thleng thluh zo a si. Curuangah keimah ruangih himi company hminsia/tlaksia ding hnak cun company ka suahsan le a ṭha sawn ding” tiin a sim.

ref:thusun

Leave a Reply

Your email address will not be published. Required fields are marked *