Kum 24 hnu lawngah Nunau 128 bawmtu thuhla thei suak

Sex trafficking lak ihsin nunau 128 runsuak ih a buaipitu Bollywood lemcang Sunil Shetty thuhla cu kum 24 rei hnu lawng ah mipi in thei suak a si.

Cu khal cu a mai` phuang suak si lo in a runsuak mi lak ih mi pakhat in a phuang suak ruang ih theih suah mi a si.

Sunil Shetty

A thuhla um daan cu 1996 kum ah Mumbai palik pawl in sex trafficking lak ihsin minung 456 an runsuak ih cu pawl lak ihsin Nepal nunau 128 an tel ve.

Charimaya Tamang

India cozah in cuih nunau 128 pawl cu an ram ih kuat sal an tum nan Nepal ram mi sinak ID neilo an si ruangah Nepal cozahpi in a la kir ngam ciah lo.

Cutiih vansang mangbang ih an um lai ah Bollywood lemcang Sunil Shetty cun a bawm duh thu India cozahpi hnen ah a sim ih biakremnak an neiaw hnu ah an tlun nak ding vanzam a tawlrel ih Nepal ram ah a kuat ṭheh hai.

A bawm mi lak ih telve Charimaya Tamang (tu ahcun sex trafficking dodaltu NGO – Shakti Samuha ah hna a ṭuan)
cun tubaite, Vice India pawl in Interview an tuah nak ah a simsuak ih cuhnu lawng in a thuhla cu mipi pawl in theih a si.

Shakti Samuha NGO

Charimaya Tamang cun “Leitlun huap theihban NGO dintu lak ih ka teltheinak cu Sunil Sheety ruangah a si. A mah in, in runsuak hlah seh la tuvek dinhmun ah ka um lo ding. Zangfah lainatnak thinlung nei ih mi na bawm mi hin mi tamzet nunnak a thleng thei ti hi hngilh hlah uhsi” tin` a sim.

ref : BetterIndia

Leave a Reply

Your email address will not be published. Required fields are marked *