Kum 2 Mi, Ka Fanu Thlarau in A Thlaan A Hal – Saundra Gonzales

Fanu zuun ngai in ninghang riahsia zettu Saundra Gonzales cun Thlanmual CCTV sung ah ka fanu Faviola Rodriguez Thlarau ka hmu a ti.

Faviola Rodriguez (kum 2) cu a nui` tlangval kutthlaknak ruangah 2018 ah a thi ih Las Cruces, New Mexico ah an phum.

Tu ah, a thihnak kum 2 kimzik ah Saundra Gonzales cun thlanmual CCTV ah ka fanu thlarau nih, a Thlan a hal lai a lang tin Facebook ah a ngan ih a zuk tla a tar cih.

Faviola Rodriguez thlan par ih a tanta ṭheu mi thilri a hlo ṭheu ruangah CCTV a bun mi a siih, An mah vekih thilri hloṭheutu sungkua khat te khalin an fapa thlan kiangah CCTV an bun ve ih, zaan khat cu zaanṭim lai ah nauhak pakhat thlanmual ih vak rero lai cu CCTV ah a lang.

Cute sungkua cun mihlo vakvai ah an ruat ih thlamual kiltu hnen ah an sim. CCTV an zoh ciang tikah thlamual kiltu cun a theithiam cih ih “zo a si ti ka thei” in thlun uh a ti ih Faviola’s thlan ih rak ṭap rerotu Saundra Gonzales cu CCTV an zohter.

Cuveten, Saundra Gonzales cun, “ka fanu rori a si. A lu in a kezik tiang ka zoh ciang, a hnipuan hruh mi khal ka theithiam, 100 ah 100 rorin ka fanu a si” a ti.

CCTV ih lang mi ahcu cuih nauhak cun tlangval mipakhat kut a kai ih an feh liam in a lang. Cumi ah Saundra Gonzales cun “mipatu kha cu kan thlan kiang ih mithi tei` fa a si ding. Misual kut ih thi ve mi a siih ka fanu thawn an thihdan a bangawzet. Curuangah ka fanu in Vanram ah a hruai si ding” a ti.

Faviola Rodriguez (kum 2) cu 2018 ah a nui` tlangvalpa` kut in a thi. Medical staff pawl cun “a lu a pem ih a hmai le a hnakruh pawl khal a siat thluh” an ti. A nu tlangval pa cu kum 1 lawng thawng a tlak ih tu ni tiang zalen in a um a si.

ref:Mirror

Leave a Reply

Your email address will not be published. Required fields are marked *