Kum 12 sung an hawl mi Mihlo Nauhak cu A nu in a rak thup ziar
Taiwan : Mihlo dinhmun in kum 12 sung hawl a simi nauhak hlo cu a nu umnak Kaohsiung khua ih apartment innpi ah an hmusuak sal.
“Mihlo dinhmun in kum 12 sung hawl a simi Hsieh (kum 23) cu a nu Lin ih relhpinak Kaohsiung khua ih apartment innpi ah kan hmusuak sal. A mah hi a hrisel lozet nan a netnak ahcun a Pa thawn an tongaw thei sal” tiah Kaohsiung City Social Affairs Bureau ih ṭuanvonei mipakhat in ramsung reporter hnen ah a sim.
Kum 11 a si lai, a nu le pa an ṭhenaw hnu 2008 kum ah thuṭhenzung in a pai` hnen ih seilian dingin thuthluknak an rak nei.
Asinan a nu Lin cun Thuṭhenzung thuthluknak cu lungkim loin a fanu Hsieh cu a fir thup ih a tlanhlo pi.
The father said he had reported the case of his missing daughter to Changhua police & had tried every means possible to find her since 2008, but to no avail, until Dec. 7, when the police managed to trace the mother after she made a purchase in Kaohsiung.https://t.co/axfj3Yc12F
— Focus Taiwan (CNA English News) (@Focus_Taiwan) December 9, 2020
A pa in palik hnen ah a sim thei ih catbanglo in kum 12 sung an hawl hnu, December 7 ah a nui` relhpinak Kaohsiung khua ih apartment innpi ah palik in an hmusuak sal a si.
“A nu thil leinak zawt in kan hmusuak mi a si. A nu in Tlawng khal a kai ter lo. Inn sung ih a khum ringring ruangah mi pangai khal a banglo. Ningzak nei zet vekin a um ih a mah hrihruai pawl ih rit zat hnakin kg 30 hrawng a zaang. Ataksa khal a raam thluh. Innleng voikhat-hnih a suak khal ah a nu in a kil ringring” tiah Khuasung palik ṭuanvonei mipakhat in Liberty Times hnen ah a sim.
Hsieh an hmusuak ni ah Palik pawl in a pa thawn tongawter dingin Changhua khua ah an hruai nan Hsieh cun a nu hnen ah a um duhsawn thu palik hnen ah a sim.
Apai` hnen a um duhlo ruangah Palik pawl cun Hsieh cu Kaohsiung khua ah an kirpi sal ih Kaohsiung City Social Affairs Bureau kut sungah an up.
— les (@leslaikatz) December 9, 2020
“Kan mah in a hriselnak lam ṭuanvo kan lak dingih fim zirnak lam cu Department of Education in ṭuanvo an la ding. A nu cu palik in thusutnak an nei hnu ah nauhak tlanhlopitum thubuai thawn zingzoinak nei vivo dingin Changhua District Prosecutor zungpi ah kilkhawi in a um hrih” tiah KSAB hotu in reporter hnen ah a sim.
Hsieh pa cun a fanu thuphlo thuhla ah a nupi hlun Lin cu tayacuai hran a tum lo nan palik lam in nauhak tlanhlopitum thubuai in zingzoinak an nei peh vivotum a si.
