Kerala state in A DangLam zetmi “First Bell” Fimzirnak a hmang thok

Covid – 19 ruangah India ram sung fimzirtlawng ong ding le dinglo buai a si rero lai ah fimzirnak lam ngaihsak zettu Kerala state cun internet hmangin online ihsin fimzirnak nei thei ve lo pawl hrang ah “First Bell” tiih hmin pekmi TV ihsi zirhawknak a hmang thok.

Kerala fimzirzung in zingzoinak a nei mi ah state sung ih tlawngta ting 2.5 in harsatnak ruangah online ihsin cazirnak an tlin lo ti a siih a tui` “First Bell” program hin state sung ah thatnak tamzet a rahsuahpi ding khal zumnak an nei.

“First Bell” fimzirnak cu cable networks, VICTERS TV channel ihsin thlah a si ih phun 1-12 hrang ah zinglam 8:30 ihsin zaanlam 5:30 tiang thlah a si. Internet hmangin le direct-to-home technology hmang khal ih zir thei thotho dingin June 1 ihsin thlah thok a si.

Cu hlei ah TV neilo pawl khalih zirnak nei thei dingin Study Centres tuahsaktum a siih cuih centre ahcun TV retsak a si ding ih social distancing daan thlun in fimzirnak an neih tum thu Kerala CM in a phuang a si.

ref:(StateOfMine)

Leave a Reply

Your email address will not be published. Required fields are marked *