Kedaam 100 luan Fir Tu an Kaai Ngah
Kedaam fir ringring tu ram-ui duh nung tak cu 100 luan a fir hnu lawng ah an kaai ngah. But, flip-flops, Crocs le sandals tiangin a la ṭheu ih a thupnak hmun cu an hmusuak.
Berlin, Zehlendorf ih thilthleng a siih Christian Meyer cun gym a lek nak ih a hman ṭheu mi Kedaam mankhung a hlo ruangah thin heng in Facebook group pakhat ah a thuhla a post.
Fuchs, Du hast die Schuh gestohlen…🎶In #Zehlendorf wurden mehr als 100 Schuhe von einem Fuchs gemopst. Die ganze Geschichte morgen @TspCheckpoint. (📸: Christian Meyer) pic.twitter.com/pjnKhvobOa
— Felix Hackenbruch (@FHackenbruch) July 26, 2020
A ca post mi comment a siar tikah midang Kedaam pawl khal a hlo ṭheu mi a hmusuak ih mi pakhat in ram-ui in a lak siding a zum thu a sim.
Cu pai` sim vekin ram-ui cu a bawh ih an Kedaam a thiar lai a hmu ngaingai. A thlun thup vivo ih peng hrek hrawng hlatnak hrambur dung a va lut cu Kedaam 100 lenglo a va hmusuak. Nan, mankhung zetih a lei mi Kedaam cu a rak um lo.
A Croc video advertisement is aleady in production, I bet. I hope the fox reap some benefits for all his/her hard work. pic.twitter.com/8styhAYk8y
— Eze (@ZinnerEe) July 31, 2020
A hmusuak mi Kedaam pawl cu a zuuk ih Facebook group ah a post saal. Comment nakah “Crocs hi a duh deuh hrimhrim a bang” ti`n mipakhat in a ngan ih, mi pakhat cun “himi an hmu veten Croc thehlar nakah an hmang cih ding ka zum. Ram-ui khalin hlawknak a rak hmu ve ding ka beisei, ka sim duh sawn cu himi hmang in thehlarnak tuah hai seh la ka zoh tengteng ding” a ti.
Fox
