Kanye West boot thar Hmin ah Muslim mipi LungAwiLo

Rapper Kanye West boot thar suah mi hmin cu Muslim biaknak hmuhsuam hrim a si ti`n Muslim biaknak mipi lungawi lo.

Yeezy Boost 350 V2 Israfil-Asriel timi boot thar cu Addidas le Kanye West komaw ih suah mi a siih Israfil le Asriel timi Muslim biaknak vancungmi hmin pahnih an pek ruangah biaknak lam hmuhsuam zawngah lakin, Muslim mipi an lungawi lo.

An lungawi lo nak pawl cu social media ah an tarlang ih a hmin thleng lohli dingin an ngen.

Mipakhat cun “Israfil cu Muslim pathian ih rinsan zetmi vancungmi hmin a si. Ṭhuṭhen ni a thlen tikih Tawtarawt phaw tuding a si. Asriel khal angels of death a siih Israfil thawn pathian ih rinsan zetmi vancungmi an si. Curuangah hih boot hmin cu Muslim biaknak hmuhsuam in pek hrim mi a si. An hmin thleng in ngaithiam nan dil lo a si le Kanye West in fan tamzet a sung phah dingih Addidas company khal, Muslim mipi pawl in an hua phah thluh ding” ti`n a ngan.

Tuhlan khalah Kanye West nupi Kim Kardashian in hivek phung deuh buainak a rak tong dah.

A mah cun Skin-tight thar a suah mi hmin cu Kimono ti`n Japan numi pawl hruh ṭheu mi thuamhnaw fual hmin a rak pek dah ruangah Japan mipi an lungawi lo ih a hmin thleng dingin an buaipi ruangah official in a suah nak ding ni 6 duh ah a hmin a rak thleng dah zo a si.

(mirror)

Leave a Reply

Your email address will not be published. Required fields are marked *