Kansas tivapi ih tlak, Chin nauhak cu an hawl hmu thei hrih lo

US : Kansas khua ih um Rebecca Van Sui Par (kum 11) cu sungkhat unau thawn cawlh hahdam dingin Kansas tivapikap ah an leng ih, Rebecca Van Sui Par in an lek lai ih bawhlung tlak cu sar a tum lai fangah ti sung ah a tlak.

August 22, zaanlam nazi 3 luan hrawngih thil thleng a siih a tlak veten mipahnih in an bawm tum nan ti tha a cak tuk ruangah run thei loin an um ih ti tha cak tuk cun an mah riangri a dir ve hai ruangah ngathlir pawl in an run suak cawp.

Mihlo Rebecca Van Sui Par cu Kansas palik le meithat mipum 10 in Lawng pathum thawn an hawl nan tlawngkai nikhat zaan tiang an hmu thei hrih lo.

Kansas palik ṭuanvo nei pakhat cun, “August 22 zaanlam nazi 3:30 hrawngah emergency call kan dong ih a thuhla kan theih veten hawl tim ka tuah cih. Mihlo tu` bawhlung sartumnak cu ti tha a cak zet hlei ah a sung lam tidai khal hmun dangdang ih a ṭhekawnak fang ciah a si. Curuangah hih hmun cu a ṭihnung zet” a ti.

Amah cun, “Criminal Investigation Bureau in zingzoinak an nei rero lai ih a thuhla theitu nan um a si le Hotline number 816-474-8477 ah nan sim thei pei”a ti.

Rebecca Van Sui Par cu Thantlang peng, Hnaring khua mi Pu Bawi Tin le Pi Sui Ci tei` fanu a si. Mihlo an hmuh lohli theinak dingin le a sungte hrangah thlaza cam sak cio uh si.

Leave a Reply

Your email address will not be published. Required fields are marked *

error: hahahahahaha !!