Justin Bieber ih Kedam zuar cu minute 90 sungah a cem faifilik thluh

Justin Bieber ih limited-editon kedam thar zuar mi cu a lei an cuh aw ih a cah tu an tamtuk ruangah an website a siat (crash) phah thluh lawk.

October 13 ah zuar thok a siih minute 90 sungah a cem faifilik thluh. Crocs rubber kedam cu a mai` clothing brands Drew House thawn milaw ding in aire rong in an tuah ih phong theih mi ceimawinak thillem 8 an ben tel.

‘Crocs X Justin Bieber with Drew’ rubber kedam cu a man $59.99 an ngen ih lei ding cuhawtu lak ah DJ Khaled khal a tel ve.

A nun hlun tlansan zotu Justin Bieber cu Pathain lam ih a pekaw ṭan ihsin fan a nei tam sinsin ih upat khal a hlawh zet.

Thil a ti thei dan le fan a neih tam zia cu tuṭum ah a lang thluh. Crocs Inc thawn kedam an suah tlang tum mi thuthang a suak veten Crocs stock cu zaṭek 13% in a kai.

‘Crocs X Justin Bieber with Drew’ rubber kedam leitu ṭhen khat cun a co lo lei duh tu hrang ah ti`n ebay ah an zuar sal ih a man $59.99 hnakih let hnih khung ih lei duh tu khal an um a si. (DailyMail)

Leave a Reply

Your email address will not be published. Required fields are marked *