Johnny Deep in The Sun thuthang cazual suahtu court ah khiing

Nupi vuakhmang tiin UK hrambun The Sun thuthang cazual ih ngandahmi ruangah Hollywood lemcang hminthang Johnny Depp cun thuthang cazual suahtu News Group Newspapers cu court ah a khing a si.

“2015-2017 kum ih kan umkop lai ah Johnny Depp in kut in thlak ṭheu a si” tiin a nupi hlun Amber Heard ih a puh mi cu kum 2018, The Sun thuthang cazual ah cahram in an ngan ruangah thuthang cazual suahtu News Group Newspapers le executive editor Dan Wootton cun nupi kutthlakhmang tiah in puh a si tiin Johnny Deep in court ah a khing mi a siih thuṭhenzung in, an thuhla cu a relthoksak thlang ding a si.

Leitlun hminthang ṭhenkhat cu hminthangsin duh ruangah le paisa duhnak ruangah hitivekin court tiang thleng in an khingaw ṭheu ih tumṭum, an pahnih kar lak ah zo a dik ih zo sawn in thuphan a rel tikhal theitheih a si lo ih thuṭhenzung lam cun an thuhla hmuahhmuah phorh ṭheh in a zingzoi ding a si.

Pirate of the caribbean star Johnny Deep (kum 57) le Aquaman star Amber Heard (kum 34) cu February 2015 ah an neiaw ih, an neiawhnu thla 15 ah Amber Heard in a ṭhen a si.

ref:Huffpost

Leave a Reply

Your email address will not be published. Required fields are marked *