Joe Biden dunglam ah Hri kaitu Phenthlaam a um – President Donald Trump

President Donald Trump cun a ramkhel ral Democratic nominee Joe Biden cu a dunglam ih hri kaitu nei vekin a sim ih, atu, an ramsung buainak pawl khal cu pawl ih tokphirhnak ruangih suak vekin a rel.

Fox News ih thlah mi “The Ingraham Angle” hmaton thusutnak ah a sim mi a siih “na theih dah lomi phenthlam pawl in a dunglam in hridai thawn an khih” ti`n Democratic nominee Joe Biden cu a dunglam ih control tu nei vekin a sim.

Pu Trump cun BLM cangvaihnak neitu pawl ih a hraang zawngin ziinpi ih an cangvai mi pawl bat deuh in “ziinpi ih cangvaitu mipi an um, cuih cangvaihnak pawl suak tertu phenthlam khal an um” tiah “The Ingraham Angle” host tu Ingraham hnen ah a sim.

“Tui` weekend khal ah cangvaihnak nei dingin thuamhnaw dum rong hruh misual pawl cu hriamhrei keng in khaw dangdang ihsin vanzam thawn an pok suak” tiah Pu Trump cun a sim bet.

Ingraham cun thuhla umdan simfiah dingin a sut nan, Pu Trump cun, “zingzoinak nei rero lai mi thuthup a si ruangah a tikcu kim tik le ka lo sim leh ding” a ti.

ref:Reddit,Twitter

Leave a Reply

Your email address will not be published. Required fields are marked *

error: hahahahahaha !!