Jesuh thu cawngin Mirang le Palik in Midum ke kholhsak

North Carolina ih palik le mirang pawl in George Floyd hrang hngilhlonak thlacam neihnak hmun ih midum pawl ke an kholhsaknak cun online ah thuelawknak a suakter.

Hih pungkhawmnak cu pastor Faith le Soboma Wokoma hohanak in Cary, North Carolina ih tuahmi a siih khuasung mipi, palik le “Black Lives Matter” cangvaihnak ih tel pawl khal an tel ve.

Minneapolis palik in a khuk thawn George Floyd a nen mi (minute 8 luan) sirhsan in pungkhawmnak ih mipi pawl cu minutes 8 le seconds 46 sung awnai loin an um hnu ah palik le mirang pawl cun midum pawl ih ke an kholhsak.

Jesuh in a dungthlun pawl ke a khawlsak mi khan leitlun mi zaten bangrep kansinak le duhdawtnak a langter tin zumnak an nei ruangah Jesuh in a dungthluntu pawl ke a khawlhsak vekin midum pawl ih ke an kholh naksan a si.

Hih thuhla ah mipi hmuhdaan a bangawlo ih a dikmi an tuah, Christian hmel an mawiter,an nunnemnak a langter tiin le an luarkai, ningzak za, thluak khawlhfai ṭheh ih duhduh ih bum theih pawl an si titu tla um in online ah an elaw celcel.

Ziangtin na hmu?

ref : ONEN

Leave a Reply

Your email address will not be published. Required fields are marked *