Jesuh puan tham ruangih damsuaktu kum 12 sung Thi put nui` damnak hmun siding zumumnak hmun an hmusuak

Israel, University of Haifa ih khuahlan milai thilhlun thu zirtu (archaeologist) pawl cun zumnak thawn Jesuh puan zim tham ruangih numi pakhat a dam suak nak hmun si ding zumumnak hmun an hmusuak thu an phuang.

Khuahlan thilhlun thu zirtu lak ih hotu Professor Adi Erlich cun, “Kan hmuhsuah mi biak-inn hlun cu Jesuh san lai ih mangbangza thilmak cangnak hmun thawn pehzomawnak a nei ding kan zum” a ti.

Asimduh mi cu Mark 5:25 sung ih um mi kum 12 sung thi dok nu in Bawi Jesuh puan ka tham le ka dam ding timi zumnak tumzet thawn Bawi Jesuh puan zik a tham ruangah a dam ngaingai nak hmun si ding an zum thu a sim mi a si.

Biakinn hlun hmuhsuahnak hmun cu northern Israel, Banias Nature Reserve ah a siih lunghluum vek deuh par ih cross vek hminsinnak an tuah mi cu thilmak a cang a si tiih hminsinnak hrang ih an rak tuah dah mi siding an zum.

Zorzoitu pawl cun tuhlan khal ah tuih an hmunsuah thar mi kiang ah dungthluntu Peter hmai ih Jesuh a lar awk nak siding zumumnak hmun khal an rak hmusuak dah zo.

Tu ih hmuhsuah thar mi ahcun Lungkua khal a um ih hmunhla ta titler thawn lak mi tidai thaing khur tla an hmusuak a si.

Professor Adi Erlich cun, “zirzoinak kan nei vivo dingih kan tawlrel ciang hnu ah hih hmun a vehvai duhtu khal lungawiten kan co hlang ding” a ti. (ISPOST)

Leave a Reply

Your email address will not be published. Required fields are marked *