Jerusalem, Gethsemane Biakinn Urkang tumtu an Kai

Jerusalem, Gethsemane biakinn urkang tumtu tiih ruah mi kum 49 mi cu Israel palik in December 4, Tlawngkai ninga zaanlam ah an kai thu an phuang.

Olives Tlanghram ih um Gethsemane biakinn cu hmun thianghlim tiih ruah mi Jesuh kaihkhih tuarnak hmun Gethsemane hmuan sung ih um a siih Church of All Nations tikhalih koh mi biakinn ropi a si.

Biakinn urkang tumtu tiih ruah mi East Jerusalem, Gilo ih um kum 49 mi cun ziinan vek thilti cu biakinn sungah a burh ih meisa thawn a nawk. Meisa a hlio man hlan ah an mit lohli man sal ih tohkham mal lai a ut. Thil siat dang a um lo tiah Israel palik in tualsung media hnen ah an sim ih biakinn kilkhawitu in a thil tuah lai a hmu ih kan thlen hlan sung a rak kilkhawi tiah an ti.

“KAN news” ih video tawi thlah mi ahcun biakinn urkang tumtu tiih ruah mi kum 49 mi cu biaknak lam thawn pehparawnak neitu pawl ih khuh ?heu mi lukhuh vek a khuh ih Isael palik in a kut khih in an hruai lai a lang.

Ziangruangah biakinn a urkangtum ti cu theihcian a si lo nan Isael palik in tuhlan khal ah inn urkang thuhla thawn pehparawknak a nei tiah an sim ti`n JPpost in a ngan a si.

Leave a Reply

Your email address will not be published. Required fields are marked *