Japan cozah in Lamziin feh phah ih Phone hmangtu hrang Daan Thar suah

July 1 ihsin lamziin feh lai ih phone hmang, khap a si thu Japan, Yamato khua thuneitu cun an phuang a si.

Kandung thla June 1 ah Yamato thuneitu pawl cun khawsung lamziin feh lai ih phone hmang khap dingin Japan cozah hnen ah a dil ih, Cozahpi a lungkim ruangah tuvekin daan thar an nung termi a si.

Asinan, daan pahbal ruangah cawhkuannak a um cuanglo dingih lamziin sukso, ziinpi kaan tivek ah bahkhawnnak um lo ih, khua mipi pawl an himdam theinakding duhsan ih tuah mi Daan a si thu offcial in an phuang a si.

Pawiṭultuk a si le lamziin kap ah ding lawk ih phone hmang dingin forhfialnak forhfialnak khal an nei a si.

Lamziin feh phah ih phone hmang thuthawn pehparin telecoms firm NTT Docomo in Kum 2014 ah computer thawn tuahcawp (simulation) in zirnak a nei. Cuih zirnak ah, mipum 1500 pawl cu phone zoh phah in leitlun ih busy bik kepal lamziin Shibuya pedestrian ah an fehter.

An hmusuah mi cu, phone hmang phah ih lamziin kaantu mipum 1500 ih zaṭek 66% cu lamziin kaan suak theiloin lailak ah an tar. Mipum 446 an pahaw ih mipum 103 tluk in mipum 21 pawl ih phone cu a tlak a si.

Lamziin fehphah ih phone hmang hi a ṭihnung zetih a hmangtu lawng siloin a hmanglotu tiang thihhlohnak an tong phah a si.

ref:JVpost,Wiki

Leave a Reply

Your email address will not be published. Required fields are marked *