James Charles video in India mipi ti Lung Awi Lo, Kan Nunphung a hmuhsuam an ti

Makeup tuah daan video tawi tuah ṭheutu Youtuber James Charles ih Video tuah mi cun India mipi a ti thin heng.

TikTok video filter le India classic music hmang in a tuah ih a filter hman mi le India music phuan phah ih a um dan cu India nunphung a hmuhsuam a si an tiih an lungkim lonak thu, social media ah an thlah celcel.

Himi TikTok video ruangah follower khal a sung phah thluh tiah Indiatimes cun a tarlang.

India mipi an lung awi lo ti a theih veten “mipum 1.8 million luan in himi filter le music hmang in video an tuah ve nan kei mah lawng in buaipi. A hla kha ka hnihsuak mi si lo, a filter sawn kha si ka hnihsuak mi. A music tla kha cu a ṭha tuk lawlaw. Asinan miṭhenkhat an lung awi lo ti ka thei ruangah ka delete zo” ti`n tumtahnak nei le midang nunphung hmuhsuam zawngin a tuah mi silozia a sim ih video cu a delete.

Nan, a rak download man tu an um ih Twitter ah an thlahsaal ruangah buainak a tong phah thluh.

India ram cu mipum an tam ih internet hmangtu khal an tamzet. Leitlun hminthang follower neitam pawl kan zoh a si le a follow tu miphun zaṭek tamsawn cu India mi an si ṭheu. Curuangah Online ih hminthang lar tamzet cun India mipi thinheng terding an phang zet ih ziangkim an tuah nakah Fimkhur ten an cangvai ṭheu.

Kandung lam khal ah K-pop artist Sunmi le lamthiam group pawl ih Punjabi hla Tunak Tunak Tun an lam mi thuhla ah an rak buai dah zo ih video an tuah mi view tu le subcribers an ṭumsuk phah ruangah India mipi hnen ah ngaithiam an rak dil dah zo a si.

Leave a Reply

Your email address will not be published. Required fields are marked *