J. Lalduhawma cun mi ih thei tuk lem lo mi Online Corrom Disc Pool game in Paisa tawr le cheng a lak lut

Tulai mizoram ih thuthang lar pakhat cu J. Lal Duh Awma (Duduha Jinhlawng) timi pa in online Corrom Disc Pool game a lek nak ih a lak lut mi paisa thawn Scooter a lei ti hi a si.

Hih thuthawn pehpar in thuthang phunphun a suak ih FB group ih a thuhla titi nak comment pawl kan zoh a si le mi tamsawn cun an zum lo timi kan hmu thei. Thil cang thei khal a si lo, kei mah rori in ka lek ringring mi game a siih cuvek paisa laklutnak zianghman a um lo tiih relsuaktu an tam.

Amah J. Lal Duh Awma hi Lunglei, Ramthar veng ih um a siih online ih a thuhla pawl cu a tak a si maw ti`n LDF Cable Network, Lunglei in zingzoinak a nei tikah thungai a rak si thu an thei suak a si.

LDF Cable Network, Lunglei ih ṭuanvonei mipakhat ih ngan vek a si le Duduha cu Corrom Disc Pool ih coin seller a siih (a lek mi online game ih hman theih mi paisa) Coin a zuar nak ihsin paisa tamzet a lak lut. Mizoram sung ih a coin lei duhtu hman a supply cawk lo. Amah lo khal Mizoram sungah coin seller an um hnuaihni ti a si.

World No. 2 dinhmun tiang a thleng ban ih coin zuar in paisa tamzet a laklut bak ah mi account thawn World No. 10 dinhmun tiang a lak sak mi pawl hnen khal in lek sak man paisa a dong ti a si. Cutivek ih game lak sak duh an tamtuk ruangah a lek sak cawk lo.

Duduha cu a nu le pa in an thih san zo ih, tu ah Lunglei, Ramthar veng ah a nau J.Lal Hriat Puia thawn khawsa an si. An unau hnih in bawlung sit an peih zet ih a thiam khal an thiam ruangah Ramthar FC ih tel ban ve an si.

A thuhla zingzoitu LDF Cable Network in hmaton thusutnak an nei zo ih interview an tuah nak cu TV khal ah an thlah rero zo. Interview an tuah nak cu Youtube khal ah an ret ih, a mah Duduha in online Carrom Disc Pool game a lek lai video khal Youtube ah zoh theih a si.

Leave a Reply

Your email address will not be published. Required fields are marked *