ISS hrang ah $23 million man Ek-inn Kuat Suak – NASA

Tlunsang boruak par ih hman dingmi $23 million man ek-inn cu International Space Station lam pan ih kuatsuak a si zo thu NASA lam in thuthannak an nei.

Hih ek-inn cu kan um nak leilung thawn peng 200 luan hlatnak International Space Station ah hman lawk ding mi a siih numi hrang ih hman remcang dingin tuah that mi a si.

Universal Waste Management System (UWMS) tiah hmin an bun ih kum 1990 hnu lam ih hman thok mi ek-inn hnak in zaṭek 65 hrawng in a zaang ih zaṭek 40 in a fate.

“Tlunsang boruak par a si vek in thil ziangkim hi an zam thluh ih a kuang sung ih thun ṭhelh pang cun a ol lo. Curuangah ṭhatheibik dingin Titanium lungmankhung thawn $23 million cem in Universal Waste Management System kan tuah nak a si” tiah Johnson Space Center project manager Melissa McKinley in The Guardian hnen ah a sim ih “hitin zoh ahcun a mak danglam zet a bang nan boruak par ih hman remcangbik dingih tuah mi a si” a ti.

$23 million man ek-inn cu International Space Station hrang ih ṭulhaimi bungrua pawl thawn October 1 an kuat suak zo ih, a tluang a si le tlawngkai nikhat hrawngah ISS ah thleng ding beisei a si.

Vansang Boruak ihsin Ziangtin Zun/Ek an hlon?
Ahlan ahcun space mission an feh tikah ek-inn a hranten an nei lo. Plastic/bur sungah thawh ṭheu a siih a hleice in numi hrangah a buai thlak cuang.

Ek-inn an hman hnu ah an thawh mi pawl cu plastic/bur sungah an khawlkhawm ih leilung lam ah kuat sal in boruak ah a ziamral thluh. Zun hi cu an filter sal ih in-ti lole a ṭul nak ah an hmangsaal.

ref:reddit,wiki

International Space Station toilet tour

Leave a Reply

Your email address will not be published. Required fields are marked *