Israel : Tel Aviv khualai takah SiiChauch (Weed) an Vorh – VIDEO

Israel, Tel Aviv khualilai takah Drone pakhat in plastic thawn tuammi siichauch (weed) tamzet a thlak ih mipi in an cuhaw vualvo.

Duhphorhnak le Ramkhel cangvaihnak hrang ih an hman ṭheu mi hmunram, Rabin Square lai takah, Green Drone, cet thawn control cawp vazam fate in siichauch (weed) tawm fate 100 luan a thlak ih palik an thlen man hlan ah mipi in an cuhaw vualvo.

Media ṭhenkhat cun Israel ram ah zalen zetin siichauch (weed) hmangthei dingin cozah nawr nakah cangvaihnak an nei mi si ti`n an ti nan, Cozah lam cun Green Drone in khawi hmun khal ah delivery service kan tuah thei timi thehlarnak an nei phah mi a si a ti.

Israel cozah ṭuanvonei pakhat cun, “hih thil cu ‘ṭihnung mi rittheisii’ a siih kan hmumi hmuahhmuah cu kan tisiat ṭheh leh ding. Drone thlah tu siding zum um mi minung pahnih khal kan kai” tiah Jerusalem Post hnen ah sim.

Tufangah Israel ram ah midamlo enkolawnakding hrangah cannabis hmansian a si nan nuamnak men le rit duh men ruangih hman cu cozah in a kham.

ref:JP,IT

Leave a Reply

Your email address will not be published. Required fields are marked *