Israel, Syria le Lebanon ram thum ah Kangmei rapthlak suak

Middle East ram a simi Israel, Syria le Lebanon ram hmun ṭhenkhat ah kangmei a suak ih mi pathum thi in mi thawng teel in inn le Lo an tlansan.

Abik in Syria ram ah a luar ih minung 3 an thi hlei ah kangmei hlio thok ni, October 9 tlawngkai ninga ni lawng ah Latakia province ih um minung 70 lenglo cu thawthawt har in siizung an thleng.

Syria health minister Mohammed Hassan Qatana cun “Syria ram santhuanthu ih kangmei rapthalkbik a si. Tlawngkai ninga in a luar thok ih zarhpi ni ah kan phal thei sal” tiah local radio station hnen ah a sim.

Lebanon ram hmun ṭhenkhat khal ah ralkap helicopter hmang in nasaten meikang an phal ih ram thlanglam Israel ramri ih leiphum boom tamzet khal a puak tiah ramsung media in an tarlang.

Israel ram khal ah mei a kaat cak tuk ih Nof Hagalil khua mi minung 5000 lenglo cu inn le Lo tansan in a him nak hmun ah Cozah ṭuanvonei pawl in an ṭhawn ter.

Kangmei suak thoknak le kang thok dan cu theih ciang a si lo nan boruak hlum le thil hrang in mei a kaat cak ter siding an zum thu SRYeconomictimes in a ngan.

Leave a Reply

Your email address will not be published. Required fields are marked *