Israel ram Dinhmun Ṭhalo, Nathrik kaitu an pung zutzo

Israel ram ah Covid – 19 nat, nikhat hnu nikhat akarh vivo ruangah nathrik kaitu pawl ih phone hmangin Israel Security Agency “Shin Bet” in zingzoinak nei vivo a tum.

Israel ram ih COVID-19 rohbikṭum March thla ah Israel Security Agency “Shin Bet” in nathrik kaitu pawl ih phone cu, mina thawn pehtlaihnak a rak neitu pawl hawlnak ah an hmang zo nan, mipi privacy ruat in Supreme Court in a kham.

Asinan, lockdown phelh hnu ah a thar ih nat kaitu an tam lala raungah Supreme Court cun nathrik kaitu phone hmangin zingzoinak nei ding a siang a si.

ISA ṭuanvonei pakhat cun, “mina thawn pehtlaihnak rak nei mi hawlnakah kan hmang. Asungkhat, u nau, rualpi pawl a rak suanzo a si ahcun ramsung ah nathrik a karh sinsin ding. Curuangah Covid 19 positive tu thawn pehtlaihnak rak neitu pawl cu mina phone record zohin kan hawl salnak a si” tiin a sim.

May thla ih lockdown phelh hnu in Israel ramsung ah Covid – 19 natnei an pung zutzo ruangah tuvek ih thuthluknak an nei mi a si.

Israel ram ih Covid – 19 an hmuhthok ni ihsin tuni tiang confirm case 26000 a um zo ih mipum 321 an thi a si.

ref:IsraelTimes

Leave a Reply

Your email address will not be published. Required fields are marked *