Israel hnam hlo kan si tiawtu Mizo 200 luan cu Israel ram ah thleng suak zo

Jews ciithlah ka si tiawtu India ih um mipum 252 cu an umnakding Israel ram ah tluang himdamten an thleng suak thei thu theih a si.

Tuhlan kum 2700 luan zo, Assyrian Empire san lai ih Israel ram ihsi hnon a simi Menashe ciithlah Bnei Menashe miphun ka si tiawtu pawl an si ih mitamsawn cu Mizoram ih um an si.

“Bnei Menashe community mipum 252 cu December 15 ah Israel, Tel Aviv khua, Ben-Gurion airport ah nunthar thoksal dingin an thlengsuak” tiah PTI in a tarlang ih innsungsang 50, innsang nei hrihlo mipum 24, naute 4 le kum 60 luan mipum 19 pawl an si tiah an tarlang.

Bnei Menashe community rual cu Israel hnamhlo hawlsuakding ih hmalaknak rak nei rero zotu Shavei Israel Organization (NGO) tawlrelnak in Israel ram ah an thleng thei mi a siih SIO ṭuanvonei mipakhat cun “quarantine lutter an si lawk dingih Hebrew zirnak le Jews miphun sithei dingih tuah ṭulmi hmalaknak thlathum sung an nei ding. Cuhnu ah Nazareth Illit area ah umhmun khuar dingin kan tawlrel ding” tiah PTI hnen ah a sim.

Sephardi miphun hotu Rabbi Shlomo Amar in Bnei Menashe cu Jews hnam hlo 10 lak ih telve an si tiih a pom hnu 2005 kum ihsin India ram ih um Bnei Menashe community mipum 2,437 lenglo cu Israel ram ah an vai zo a si.

Leave a Reply

Your email address will not be published. Required fields are marked *