Indonesia ah Meisa Tlang Puak, Sun lai rori ah Zaan bangin Khua a Thim +VIDEO

August 10, Tlawngkai nikhat zinglam ah Indonesia, Sumatra tikhulh ih Mount Sinabung meisa tlang a puak tiah reuters cun a tarlang.

“Zarhte ni thawn tu hi voihnihnak a si. A thawmvang cu Khuari ṭektlak vekin a thang ih second 30 hrawng a thum. Van khal a thim in a dum thluh” ti`n meisa tlang kiang khuasung ih um Fachrur Rozi Pasi cun Reuters hnen ah phone thawn a sim.

Meisa tlang cun leivut/vutcam pawl cu peng 3 luan vansang ah a phut suak. Cuitiih a puak lai fang cu kiangkap um pawl in video in an rak zuk rero.

Mount Sinabung ih meisa tlang cu tuhlan kum 1 luan hrawng in cangvainak nei loin a um ih tu ah zarhte ni thawn voi hnih rori a cangvai ruangah lava (meisa tii) khal a luang men thei ruangah tourist le kiangkap um khua mi pawl ralring dingin cozah in thu a than.

Meisa tlang puak ruangah tutiang cu thih le hloh, hrimhma tuar report nak a um hrih loih volcanology agency pawl in meisa tlang ih thamban lonak km 3 hlat tal ah um cio dingin le vutcam tlak mi hiip ngahlo dingin hmaikhuh bun cio dingah mipi hnen ah thu a than tiah Reuters cu a tarlang.

Leave a Reply

Your email address will not be published. Required fields are marked *