India ram ih Rail Bicycles thar cu Mipi in Lawm hlei ce

India : Tlangleng thawn bahkhawnnak mal deuh dingin le a phur mi mipi him dingin Tlangleng ziin zohfelnak an nei ringring.

Tlanglengziin rori ah ke thawn feh in zohfelnak an nei ṭheu ih tikcucaan a rei duh zet.

A caan caan ahcun Tlangleng feh ding tikcuu khal a ti tlai phah ṭheu ruangah ziin zawttu hrang khalah hah dam, tikcucaan khal heu tuk lo dingin The East Coast Railway cun rail bicycles a tuahsuak.

Rail bicycles cu cycle sia le Tlangleng ih hman mi thir hleifuan pawl belh khawm ih tuah mi a siih kg 30 hrawng ih rit a si.

Hih thuthawn pehpar in The East Coast Railway ṭuanvo nei pakhat cun, “duh tawk ih thlir thei dingin, zaang thei patawp in kan tuah. Nazi pakhat ah maximun speed 15 km cak in a tlaan thei ih minung pahnih to theih a si.”

“Tlangleng ziin ah olsamten to thei dingin thir thawn kan kilh thluh. Kan hmangsuak thei tik le Tlangleng ziin kilkhawitu hrang khalah a hahdam zet ding. Tlangleng khal a tikcuu khelh in a suak thei ringring thlang ding” a ti.

Rail bicycles cu Khurda Road division ah an hmang dingih, tu ah rial station unit 8 pawl in an tuah rero lai a si.

ref:IT

Leave a Reply

Your email address will not be published. Required fields are marked *

error: hahahahahaha !!