India ram ah Natnak danglam ciikhat a suak ih Mipi Thlaphang in an um
Covid 19 ralpi do rero lai, India ram ah mithiam pawl ih theihthiam lomi natnak danglamzet a suak ih hih natnak ruangah minung 300 luan Siizung an thleng tiah TOI in a tarlang.
Nat a suak nak cu Andhra Pradesh, Eluru khua ah a siih mina tuamhlawmnak cozah siizung ṭuanvoneitu pawl cun nihnih sungah luakluak, lungciimit ih tluk, Ceih le Ka sungin ciilphul pawt natnak danglam zet neitu mipum 345 cu kan siizung ah kan tuamhlawm tiah an tarlang.
Natnak danglam a si ruangah mina pawl dinhmun zoh dingin Deputy Chief Minister and Health Minister Alla Kali Krishna Srinivas rori in Siizung ah feh in a va vehvai hai.
Over 380 report symptoms of #MysteryIllness in #Eluru #AndhraPradesh; @AndhraPradeshCM @ysjagan visited; virus, water contamination, 27 heavy metals ruled out, cerebrospinal fluid, blood reports didn't show complications, no known cause; culture reports awaited @ndtv @ndtvindia pic.twitter.com/3VF4KGOF1Z
— Uma Sudhir (@umasudhir) December 7, 2020
Athok ahcun in-ti lole boruak thianglo pollution ruangih suak mi natnak siding an zum lawk nan thilumdan zohciangnak an nei hnu ah cumi pawl ruangih suak mi natnak a si lo tiah official in an phuang sal a si.
Hih thuthawn pehpar in Deputy Chief Minister and Health Minister Alla Kali Krishna Srinivas cun “tui dinhmun tiang cu ziang natnak a si timi kan thei ciang lo. Tidai sia in ruangah le pollution ruangah cu a si lo. Cun, cozah siizung ih piahawk pawl ah Covid 19 natnei an um lo.”
“Tu ah, mina pawl ih thisen cu mithiam pawl zohciang dingin Lap ah kan kuat zo. Cumi result suak lawng ah ziang a si timi kan thei ding” a ti.
The GoAP's (mis)handling of the Eluru incident reeks of suspicion. The mortal remains of Sridhar, who succumbed to the mysterious illness were handed over to his family yesterday evening. (1/2) pic.twitter.com/cJF3F462Cf
— N Chandrababu Naidu #StayHomeSaveLives (@ncbn) December 7, 2020
Natnak danglam tuartu lak ah nauhak kum 4 mi khal an um tiah Siizung lam in thuthang an suah ih Siizung thleng mina hrek zikte cu kan tuamhlawm hnu ah an mah le umnak cio ah kan tlun ter zo ti`n thuthang an suah a si.
Himi natnak danglam ruangah mi pakhat a thi zo ih Siizung thlenghnu damsal ih tlungzotu khal an um hnuaihni zo nan ziang natnakbik a si timi theihcian a si lo ruangah Cozah lam in ralringten um cio dingin Eluru khua ah tlangthannak a nei a si.
