India ram ah Covid 19 nathrik pianhmang thlengawmi an hmu ve + India dinhmun
UK ram ih hmuhsuah a si mi Covid 19 nathrik pianhmang thlengawmi cu India ram khal ah case 6 a um zo tiah India harhdamzung in tlangthannak a nei.
Nathrik pianhmang thlengawmi nat neitu minung 6 cu UK ram ihsi India ram ih ratlung hlir an si ih, tu ah, mipathum cu NIMHANS, Bengaluru, mipahnih cu Cellular & Molecular Biology, Hyderabad ah le mipakhat cu National Institute of Virology, Pune ah enkol in an um a si.
An zaten inn-khaan khat fingfing ah zohkhen an si ih an mah naivai ih um, natneitu thawn pehtlaihawknak neitu pawl khal Q ah an lut ter thu ramkulh cozahpi in a tarlang.
The samples of six UK returnees in Bengaluru, Hyderabad and Pune have been found to be positive with the new variant genome, the central government said on Tuesday, adding that they have been kept in a single-room-isolation in designated healthcare … https://t.co/RNqpWrX9W1
— IBTimes 🇮🇳 (@ibtimes_india) December 29, 2020
Hyderabad harhdamzung ih ṭuanvonei Rajesh Kumar cun “Covid 19 nathrik pianhmang thlengawmi hi a hlan ta hnakin zaṭek 70% tam in suanawk a olsawn nan taksa hriselnak a siatsuah cak sawn cuanglo tiah mithiam pawl in an sim.”
“Asinan mipum tamzetmi ram kan si vekin kan ram ah a karhzai ahcun harhdamzung lam in an do neh lo ding ti phan a um zet ih kan ram hrang ahcun ṭihnung zetmi tiih ruah tlak rori a si” a ti.
UK le India ram hi pehtlaihawknak neizetmi ramhnih an si ih November 25 in December 23 karlak ah UK ram ihsi India ram ih ratlungtu mipum 33,000 lenglo an um.
India Reports 6 New Cases Of Mutant COVID Strain From UK, Hundreds Of UK Returnees Untraceable https://t.co/sNGxphgNim #Younews #Trending
— Younews.in (@younews_in) December 29, 2020
Cupawl lakah India cozahpi thusuah vekin Harhdamzung lam ih theihternak neilotu mi tamzet an um. Telangana ramkulh mi UK ihsi ratlung, phone number le address dik peklotu mipum 184 telin passenger 279 pawl cu Harhdamzung lam in an hawl hmu thei lo.
Jaipur khalah UK ihsi ratlung mipum 20 an hawl hmu theilo ih Odisha khal ah UK ihsi ratlung mipum 62 hrawng cu an hlo bepbep a si.
Tudinhmun ah India ram cu Leitlun Covid 19 mina tambiknak US ram sangtu an si ih natnei 10.2 million ah 9.81 million damsal in mipum 148K an thi a si.
