Nunau pakhat cu Thla 5 sungah Voi 31 rori Covid 19 a positive
India : Rajasthan, Bharatpur ih um kum 32 mi nunau pakhat cu Thla 5 sungah voi 31 rori Covid 19 a positive.
Hmaisabiknak cu August 24, 2020 ah a si ih, RT-PCR thawn voi 14, antigen test thawn voi 17 an check nakah voi 31 rori Covid nathrik an hmu.
Amah hi thilung lam siseh tisa lamzawng khalin sambaunak nei a siih Apna Ghar homecare ah zohkhen in a um. Pasal le nu le pa nei nawn lo a si ih a nau i finkhawimi a si.
A woman in Rajasthan`s Bharatpur district, who got infected with the deadly coronavirus nearly five months ago, has tested COVID-19 positive for 31 times https://t.co/ijGhhK5JiB
— George Cheriyan (@GCheriyan) January 23, 2021
Apna Ghar founder Brij Mohan Bhardwaj in “zohtu ṭhiṭha khal a neilo ruangah kan mah in kan enkol. Kan zung ah testing facilities kan nei cih. Antigen test voi 17 kan nei zo ih a zaten a positive” a ti.
RT-PCR test nak neitu Dr Kaptan Singh khalin “RT-PCR test nak hrang sample laknak cu September 4, 9 ah siseh, October 1,7,15 ah siseh, November 2,9,18,23 ah siseh, December 1,7,14 le 25 le netabik January 7 ah kan nei. October 15 ta kan test mi cu a negative ih cu hnu in Covid nat pianhmang lang loin a um”.
“Covid nat pianhmang lang loin le a um ih, thil cang thei pakhat cu a pumpi le rilte ih um mi cangvai thei nawnlo covid nathrik ruangah positive in a lang mi khal a si thei. Curuangah a taksa par ih nathrik hin midang a suan thei ka zum lo” a ti.
This woman tests positive for Covid 31 times since August https://t.co/uTHyoUPACL via @TOICitiesNews
— TOI Editor (@TOIEditor) January 24, 2021
